អង្គការសហគមន៍មូលដ្ឋាន

អង្គការសហគមន៍មូលដ្ឋានបានកើនឡើងជាខ្លាំងក្នុងរយៈពេលប៉ុន្មានទស្សវត្សរ៍ចុងក្រោយនេះ។ នៅកម្ពុជាមានអង្គការសហគមន៍មូលដ្ឋាន ប្រមាណជាង ២៥,០០០ (ពីរម៉ឺនប្រាំពាន់) ដែលកំពុងបំពេញការងារតាមវិស័យនានានៅតាមមូលដ្ឋានរបស់ខ្លួន មានដូចជាផ្នែកបរិស្ថាន ផ្នែកផ្ដល់ជូនសេវាកម្ម ផ្នែកសិទ្ធិមនុស្ស និងផ្នែកលទ្ធិប្រជាធិបតេយ្យ។

កិច្ចការជាយុទ្ធសាស្ត្រក្នុងវិស័យអង្គការសង្គមស៊ីវិល ជាពិសេសអង្គការមិនមែនរដ្ឋាភិបាល គឺពង្រឹងសង្គមស៊ីវិលថ្នាក់ក្រោមជាតិ។ នេះជាមធ្យោបាយដ៏មានសារៈសំខាន់ក្នុងការពង្រឹងអង្គការសហគមន៍មូលដ្ឋាន និងការតស៊ូមតិដើម្បីធ្វើអោយប្រសើរឡើងនូវបរិយាកាសអំណោយផល។ ជាទូទៅ អង្គការសហគមន៍មូលដ្ឋានបង្កើតឡើងដើម្បីឆ្លើយតបទៅនឹងបញ្ហាជាក់លាក់ណាមួយនៅក្នុងតំបន់ ហេតុដូចនេះ អង្គការសហគមន៍មូលដ្ឋានដើរតួនាទីយ៉ាងសំខាន់ក្នុងការបង្កើនការយល់ដឹង និងចូលរួមរបស់ប្រជាពលរដ្ឋក្នុងការអភិវឌ្ឍ និងដំណើរការវិមជ្ឈការ និងវិសហមជ្ឈការ។

ប្រព័ន្ឋវិញ្ញាបនបត្រស្ម័គ្រចិត្តឯករាជ្យ

បញ្ហាប្រឈមសំខាន់ៗក្នុងការពង្រឹងអង្គការមិនមែនរដ្ឋាភិបាលក៏ជាបញ្ហាដែលប៉ះពាល់ទៅលើការរីកលូតលាស់ ការអភិវឌ្ឍ និងប្រសិទ្ធភាពរបស់អង្គការសហគមន៍មូលដ្ឋានដែរ។ អង្គការសហគមន៍មូលដ្ឋាន (សកម្ម) មួយចំនួនដែលទើបតែបង្កើត និងសមត្ថភាពមានកម្រិតខាងផ្នែកប្រតិបត្តិ និងអភិវឌ្ឍរបស់អង្គការប្រឈមនឹង៖

  • ១. ជាទូទៅពួកគាត់មានចំណេះដឹង និងជំនាញមានកម្រិតខាងផ្នែក ភាពជាអ្នកដឹកនាំ ការអភិវឌ្ឍគោលនយោបាយ ការគ្រប់គ្រងគម្រោង និងការគ្រប់គ្រងហិរញ្ញវត្ថុ កិច្ចការរដ្ឋបាល ការទុកដាក់ឯកសារ និងការកៀរគរធនធាន
  • ២. ការបង្កើតនិងការគ្រប់គ្រងគណៈកម្មការរបស់អង្គការសហគមន៍មូលដ្ឋាននៅខ្សោយ និងមិនគ្រប់គ្រាន់
  • ៣. មានសមត្ថភាពខ្សោយក្នុងការទំនាក់ទំនង និងចងក្រងបណ្ដាញ ទាំងខាងក្នុង និងខាងក្រៅ
  • ៤. ការកសាងសមត្ថភាពរបស់អង្គការសហគមន៍មូលដ្ឋានមានការលំបាកដោយសមាជិកមួយចំនួនខ្វះខាតចំណេះវិជ្ជាក្នុងការធ្វើការ
  • ៥. ការកសាងសមត្ថភាពរបស់អង្គការសហគមន៍មូលដ្ឋានមានការលំបាកដោយសមាជិកមួយចំនួនខ្វះខាតចំណេះវិជ្ជាក្នុងការធ្វើការ

លើសពីនេះទៅទៀត អង្គការសហគមន៍មូលដ្ឋានដែលសកម្មមួយចំនួនធំនាពេលបច្ចុប្បន្នត្រូវបានបង្កើត និងគាំទ្រដោយអង្គការមិនមែនរដ្ឋាភិបាល ដែលពួកគាត់ទាំងនោះក៏អាចនឹងខ្វះខាតគម្រូ និងជំនាញដើម្បីពង្រឹងអង្គការសហគមន៍មូលដ្ឋាន។ ហើយក៏មានបញ្ហាមួយចំនួនដែលអង្គការសហគមន៍មូលដ្ឋាន (ដែលមានសក្ដានុពល) ត្រូវប្រកួតប្រជែងដើម្បីមូលនិធិជាមួយអង្គការមិនមែនរដ្ឋាភិបាល។ ការខ្វះខាតរបស់អង្គការមិនមែនរដ្ឋាភិបាលផ្នែកគម្រូ និងបទពិសោធន៍នៅក្នុងការរៀបចំ បង្រួបបង្រួម ពង្រីក និងពង្រឹងអង្គការសហគមន៍មូលដ្ឋានអាចលទ្ធផលមកពី៖

  • ១. ទំនុកចិត្ត និងសាមគ្គីភាពខ្សោយក្នុងចំណោមសមាជិករបស់អង្គការសហគមន៍មូលដ្ឋាន
  • ២. កង្វះខាតទំនុកចិត្ត និងសាមគ្គីភាពជាមួយស្ថាប័នដែលពាក់ព័ន្ធទាំងខាងក្នុង និងខាងក្រៅ
  • ៣. កង្វះខាតការចូលរួម និងការប្ដេជ្ញាចិត្តពីសំណាក់សមាជិករបស់អង្គការសហគមន៍មូលដ្ឋាន និងស្ថាប័នដែលពាក់ព័ន្ធ
  • ៤. ពឹងផ្អែកទៅលើសកម្មភាព/ការផ្ដួចផ្ដើមគំនិត និងការគាំទ្រពីអង្គការមិនមែនរដ្ឋាភិបាល

នៅឆ្នាំ ២០១៦ អង្គការគណៈកម្មាធិការសហប្រតិបត្តិការដើម្បីកម្ពុជាបានសម្របសម្រួលបង្កើតគោលការណ៍ស្ដីពីការប្រតិបត្តិល្អសម្រាប់អង្គការសហគមន៍មូលដ្ឋាន។ គោលការណ៍នេះស្ថិតនៅក្នុងដំណាក់កាលពង្រាង ហើយនឹងបោះពុម្ពនៅចុងឆ្នាំ២០១៦។ តាមរយៈការផ្តល់មតិត្រលប់ពីអង្គការសហគមន៍មូលដ្ឋានបានបញ្ជាក់ថា ពួកគាត់ត្រូវការណែនាំទៅលើគោលការណ៍ ការកសាងសមត្ថភាព ចំនេះដឹងខាងការគ្រប់គ្រង និងធនធានដទៃទៀតដែលអាចឲ្យពួកគាត់ប្រសើរជាងមុននូវ អភិបាលកិច្ច ការគ្រប់គ្រង និងធ្វើឲ្យពួកគាត់មាននិរន្តភាព។ ហើយសំខាន់ជាងនេះទៅ ពួកគាត់អាចកំនត់នូវតម្រូវការដែលសហគមន៍ត្រូវការ ក៏ដូចជាលិទ្ឋប្រជាធិបតេយ្យដែលចាក់រឹសយ៉ាងជ្រៅនៅក្នុងប្រទេសកម្ពុជា។

សូមបំពេញសំណុំបែបបទខាងក្រោមនេះដើម្បីចុះឈ្មោះគណនីរបស់អ្នក។
សម្គាល់ ត្រូវបានទាមទារអោយបំពេញ។

ការចុះឈ្មោះរបស់អ្នកប្រើ
ឈ្មោះ​ប្រើប្រាស់
ទូរស័ព្ទ
អ្នកសហគមន៍
ភេទ
ខេត្ត
សូមបញ្ចូលគណនីរបស់អ្នក